ডোল

অ বদ্দা চিন্ননি তুঁই
ইবারে হই ডোল
আতিক্কা চাই পাতকূয়া হই
নগইজ্জ্য ভাই ভুল।

গিরছ আারি ডোলর সারি
থাইত অভাই আতিনাথ
ধান রাইত চইল রাইত
এক বছরর খোরাক ভাত।

ডঁ-র গিরছ বারির ভিতর
গাছ ইট দি ওঁইজ্জা
গাঁও গেরামত কিষান পারাত
গইত্য ধানর হাঁইজ্জা।

বিল হইম্যে ধান হইম্যে
ডোল হাইজ্জাঁ ন পুরার
বরমাইয়া আর ইন্ডিয়ার চইল
ভালা লাগের তহুরার।

ডোল গেইয়ে ডলইন গেইয়ে
গৈইয়ে ধানর হাঁইজ্জা
বিলর ধান বিলত মাড়াই
টেট্টারত অর আইজ্যা।।
লেখক:
নুরুল আলম হেলালী
ক‌বি ও সা‌হি‌ত্যিক

“”””””””””””””””””””””””””””””””””””””””””””
ডোল /ধান চাউল রাখার বেতের পাত্র।
ভাষা/ককসবসার। আঞ্চলিক।
হাইজ্যা/ধান রাখার জায়গা।
ডঁ-র/বড়ো।
হইম্যে/কমেছে।
আথিনা/বাড়ির ভিতরের রোম।
আতিক্কা/হঠাৎ করে।
ডলইন /ধান ভাঙ্গার বাঁশ গাছ মাটির কল।